zu den Geschichten
 
zurückAuswahlweiter
Lecker! Milch mit Honig!
An hauf'n Leud' ham wiss wöll, wie nacherd so a Rudi Ratz G'schichd'n gemachd werd. Noja, was söll mer da viel verzähl? Ich laß' die ganz' Ärwerd an Maddin mach. Des is a Freund vo mir. Mir hoggn ofd z'amm un ich verzääl ner vo meiner Abndeuer. Mässdns dreff mer uns irchndwo in an Kaffee. Der Maddin schraibd nacherd des alles auf un ich dring'g solang' ä Milch mid aweng Honich drin. Gell, des schmeggd fei guad!
Immer fleissig.
Dahämm dibbd der Maddin des ganzä Zeuch nei sein Combiuder. Damidd mer des Ganzä im Indernedd aa'gugg kann, muß mer die G'schichd mit a Brogrammierschbrach schraib. Die häßdd HDML.
Etzerd fähl'n noch die Bildli. Maddin sächd, des des die mäßd Ärwerd mächd. Abber weil ich ner helf duh, gehd des nacherd scho schnell. Än Hauf'n Schbaß mach'n die bewechd'n Bildli. Die häss'n animierde GIF oder GIF89a. Abber ich sach immer bewechde Bildli, weil ich mer des besser merk kann.
Hallo? Ich hab da mal ne Frage.
Des Leksigon muß aa noch g'schrieb'm wer'. Ich erklär äm Maddin, wie des alles fungdzionierd un der schraibd des auf. Dieweil sogar ich manchmol nedd alles wääs, ruf' ich eefach bei meinä Bekanndn aa. Da sin fei ganz berühmde Leud dabei. Zum Beischbiel an Maddin sei Bruader. Der is a echder Physiker und ganz schöö schlau. Ich kenn' abber aa so richdiche Proffessor'n un so. Die wiss's fast alles un helf'n mir aa immer.

Wenn nacherd alles ferdich is', geb' mer des eefach an Käpt'n Byte. Der schiggd's nein Inderned. Da könn'der mei neusde Abndeuer aagugg.
So, Leud, ich mach ama weider un glotz mer amol die Weld nochaweng aa. Etzerd wissder worüm Englisch un ned Frängisch die Sprooch vom Inderned is. Abber es is doch schöö, des mir ölla unnern Dialegd höm. Gall nid? Un wennder hetzerd närs verschdanner habd, könnder des aa in deutsch nochermol gelas. Müßder blos da na gligg.

Hinweis
 
Inhalt